ఆమని పాడవే హాయిగా… అంటూ తన సంగీతంలో యావత్‌ ప్రపంచానికి హాయిని అందించిన రాజా ఇళయరాజా.. ఆయన సంగీత ప్రపంచంలో మకుటం లేదని మహారాజు. ఇళయరాజా సంగీతం అంటే సినిమాలు సూపర్‌ డూపర్‌ హిట్‌ అనే లెక్క. ఎన్ని సంవత్సరాలు గడిచినప్పటికీ జనాల నోట్లో ఏదోక సందర్భంలో వినిపిస్తునే ఉంటాయి.
ఇళయరాజా ఇప్పటి వరకు ఎన్నో భాషాల్లో కొన్ని వందల సినిమాలకు అద్భుతమైన సంగీతాన్ని సమకూర్చారు. ఈ వయసులో కూడా ఆయన సంగీతం పై మమకారాన్ని వదులుకోలేదు. తాజాగా ఆయన జీవిత చరిత్ర ఆధారంగా ఇళయరాజా బయోపిక్‌ రాబోతుంది. ఇళయారాజా అనే టైటిల్‌ తోనే సినిమాను తెరకెక్కిస్తున్నారు. ఈ చిత్రానికి ది కింగ్‌ ఆఫ్‌ మ్యూజిక్‌ అనే ట్యాగ్ లైన్‌ కూడా ఉంది.
ఈ సినిమాకు సంబంధించిన పోస్టర్‌ ప్రస్తుతం సోషల్‌ మీడియాలో వైరల్‌ అవుతుంది. ఈ సినిమాకు తమిళ స్టార్‌ డైరెక్టర్‌ అరుణ్‌ మాతేశ్వరన్‌ దర్శకత్వం వహిస్తున్నారు. ఈ చిత్రాన్ని తెలుగు, హిందీ, తమిళ్‌, కన్నడ, మలయాళ భాషల్లో తెరకెక్కిస్తున్నారు. ఈ సినిమాలో ఇళయరాజా పాత్రను ధనుష్‌ పోషిస్తున్నారు.
బుధవారం ఈ సినిమా పూజా కార్యక్రమాలు మొదలయ్యాయి. అతి త్వరలోనే సినిమా రెగ్యులర్ షూటింగ్‌ మొదలు కాబోతున్నట్లు చిత్ర బృందం తెలిపింది.
