రౌడీ హీరో విజయ్‌ దేవరకొండ గురించి తెలుగు చిత్ర పరిశ్రమకు పెద్దగా పరిచయం అక్కర్లేదు. మొదటి సినిమాతోనే ఓవర్‌ నైట్‌ స్టార్ అయిపోయాడు. అర్జున్‌ రెడ్డి సినిమా అతడి సినీ కెరీర్‌ ను ఓ రేంజ్ కు తీసుకుని వెళ్లింది. ఆ తరువాత వరుస పెట్టి సినిమాలు తన ఖాతాలో వేసుకున్నాడు. కొద్ది రోజుల క్రితం ఖుషీ సినిమాతో అభిమానుల ముందుకు వచ్చాడు కానీ.. ఆ సినిమా పెద్దగా హిట్ కాలేదు.
ప్రస్తుతం విజయ్‌ ఫ్యామిలీ స్టార్ సినిమాలో నటిస్తున్నాడు. తాజాగా ముంబైలో నిర్వహించిన అమెజాన్‌ ప్రైమ్‌ వీడియో ఈవెంట్‌ లో మెరిసాడు. ఈ క్రమంలోనే షాహిద్ కపూర్‌ స్టేజ్‌ పైనే అర్జున్‌ రెడ్డి సినిమాను పొగుడుతూ.. ముద్దు పెట్టిన సంగతి తెలిసిందే. దానికి సంబంధించిన వీడియోలు కూడా సోషల్‌ మీడియాలో వైరల్‌ అవుతున్నాయి.
ఈ క్రమంలోనే విజయ్‌ దేవరకొండ ముంబై నుంచి హైదరాబాద్‌ కు వస్తున్న క్రమంలో విమానాశ్రయంలో ఉన్న ఫొటోలు ప్రస్తుతం నెట్టింట్లో చక్కర్లు కొడుతున్నాయి. విజయ్‌ వైట్‌ అండ్‌ గ్రీన్‌ కలర్‌ షర్ట్‌ లో బ్లాక్‌ కలర్‌ లూజ్‌ పాంట్ లో ఉన్నాడు. విజయ్‌ ముందు నుంచి కూడా స్టైలిష్‌ లుక్ లో కనిపిస్తుంటాడు. విజయ్‌ నటించిన ఫ్యామిలీ స్టార్ సినిమా ఏప్రిల్‌ 5న థియేటర్లలోకి రాబోతుంది.
