విఘ్నేశ్వరుడి పెళ్లికి అన్ని విఘ్నాలే అన్నట్లు ప్రభాస్‌ కల్కి సినిమా విడుదలవుతుంది అనుకుంటున్న సమయంలో ఏదోక అడ్డంకి వచ్చి విడుదల వాయిదా పడుతుంది. కల్కి 2898 ఏడీ సినిమా పై అభిమానుల్లో భారీ అంచనాలు నెలకొన్నాయి. ఈ సినిమాలో ప్రభాస్‌ సరసన కథానాయికగా దీపికా పదుకొణె నటిస్తుంది. ఈ చిత్రంలో అమితాబ్‌ బచ్చన్‌, కమల్‌ హాసన్‌ లాంటి దిగ్గజ తారలు ప్రధాన పాత్రలు పోషిస్తున్నారు.
అంతేకాకుండా ఈ సినిమాలో బాలీవుడ్ ముద్దుగుమ్మ దిశా పటానీతో స్పెషల్‌ సాంగ్ కూడా సందడి చేయనుంది. ఈ సినిమాను ఎంతో ప్రతిష్టాత్మకంగా నాగ్ అశ్విన్‌ తెరకెక్కిస్తున్నారు. ఈ చిత్రాన్ని అశ్విని దత్‌ ప్రొడ్యూస్‌ చేస్తున్నారు. ఈ సినిమా షూటింగ్‌ దాదాపు పూర్తి కావొచ్చింది. మే 9 న ఇండియాతో పాటు ప్రపంచ వ్యాప్తంగా సినిమాను విడుదల చేసేందుకు చిత్ర బృందం రెడీ అయ్యింది.
కానీ ఇప్పుడు ఈ చిత్రం మరోసారి వాయిదా పడే సూచనలు కనిపిస్తున్నాయి. ఎందుకంటే తాజాగా ఎన్నికల షెడ్యూల్‌ విడుదల అయ్యింది. ఈ నేపథ్యంలో సినిమాను మరోసారి వాయిదా అవకాశలు కనిపిస్తున్నాయి. మే 13న రెండు ఎన్నికలు ఉన్న నేపథ్యంలో రిలీజ్‌ విషయం కొంచెం అనుమానంగానే ఉంది.
ఈ మూవీలో నటిస్తున్న అమితాబ్‌ సినిమా గురించి తన బ్లాగ్ లో రాసుకొచ్చారు. నా షూటింగ్‌ ముగించుకుని ఇప్పుడే వచ్చాను. కల్కి షూటింగ్‌ ఇప్పుడే పూర్తయ్యింది. సినిమాని మే 9 న విడుదల కానుందని చెప్పుకొచ్చారు. మరి ప్రభాస్‌ కల్కి సినిమా ఎన్నికల ప్రక్రియ పూర్తయిన తరువాత కూడా ఎప్పుడూ విడుదల అవుతుందో చెప్పలేని అయోమయ స్థితి ఏర్పడింది.
