టాలీవుడ్ యంగ్‌ హీరో శర్వానంద్ తండ్రి అయ్యాడు. ఆయన పుట్టిన రోజు నాడు తనకు కుమార్తె పుట్టింది అంటూ శర్వా కొన్ని చిత్రాలను సోషల్‌ మీడియాలో షేర్‌ చేసుకున్నాడు. అందులో కుమార్తె ముఖం చూపించనప్పటికీ శర్వా , ఆయన భార్య ఇద్దరు పాపతో ఆడుకుంటున్నట్లు ఉంది.
గతేడాది శర్వానంద్ సాఫ్ట్‌వేర్‌ ఉద్యోగిని అయిన రక్షితా రెడ్డిని ప్రేమించి పెద్దల సమక్షంలో వివాహం చేసుకున్నారు. ఈ ఏడాది వారికి పాప పుట్టినట్లు ప్రకటించడమే కాకుండా… పాప పేరును లీలాదేవి మైనేని గా ప్రకటించారు. దీంతో శర్వానంద్ కు సినీ ప్రముఖులు పుట్టిన రోజుల శుభాకాంక్షలు చెప్పడంతో పాటు… శుభాకాంక్షలు కూడా తెలుపుతున్నారు.
” నా పుట్టినరోజు నాడు మా ఇంటి బుజ్జి తల్లిని మీ అందరికీ పరిచయం చేస్తున్నాను అంటూ శర్వా సోషల్‌ మీడియా వేదికగా తన సంతోషాన్ని పంచుకుంటున్నారు.
శర్వా కెరీర్‌ ప్రారంభంలో సెకండ్‌ హీరోగా చేసినప్పటికీ తన నటనతో మంచి మంచి సినిమాలు చేస్తూ ముందుకు దూసుకుపోతున్నాడు. ఇప్పటి వరకు శర్వా 34 సినిమాలు చేశాడు. తన తరువాత చిత్రం పేరును ” మనమే” అని ఫిక్స్ చేసినట్లు శర్వా వివరించాడు. ప్రస్తుతం సినీ ప్రముఖులు, అభిమానులు, స్నేహితులు సోషల్‌ మీడియా ద్వారా శర్వానంద్ కు శుభాకాంక్షలు తెలియజేస్తున్నారు.
