టాలీవుడ్‌లో ప్రస్తుతం అందాల భామ మీనాక్షి చౌదరి హవా నడుస్తోంది. తాజాగా ఆమె దుల్కర్ సల్మాన్ సరసన ‘లక్కీ భాస్కర్’ చిత్రంతో ప్రేక్షకుల ముందుకు వచ్చిన సంగతి తెలిసిందే. ఈ సినిమా బాక్సాఫీస్ దగ్గర సూపర్ హిట్‌గా నిలిచింది. ఇక ఈ అమ్మడికి ప్రస్తుతం ఎలాంటి డిమాండ్ ఉందంటే.. కేవలం 8 రోజుల వ్యవధిలో 2 సినిమాలను విడుదల చేయబోతుంది.
మెగా ప్రిన్స్ వరుణ్ తేజ్ నటిస్తున్న ప్రెస్టీజియస్ మూవీ ‘మట్కా’ రేపు(నవంబర్ 14) రిలీజ్ కానుంది. ఈ సినిమాలో మీనాక్షి చౌదరి అతడి భార్య పాత్రలో చేసింది. ఈ సినిమాలో డీగ్లామర్ పాత్రలో ఆమె కనిపించనుంది. అటుపై వచ్చే వారం నవంబర్ 22న మాస్ కా దాస్ విశ్వక్ సేన్ నటిస్తున్న ‘మెకానిక్ రాకీ’ సినిమాలోనూ మీనాక్షి హీరోయిన్‌గా చేసింది. ఈ సినిమాలో ఆమె గ్లామరస్ రోల్‌లో కనిపించనుంది.
ఇలా రెండు వైవిధ్యమైన సినిమాల్లో.. రెండు విభిన్నమైన క్యారెక్టర్లలలో అభిమానులను అలరించేందుకు మీనాక్షి రెడీ అయ్యింది. మరి ఈ రెండు సినిమాలు అమ్మడికి ఎలాంటి విజయాన్ని తెచ్చిపెడతాయో చూడాలి మరి.
