మెగా పవర్‌ స్టార్‌ రామ్ చరణ్‌ ప్రస్తుతం గేమ్ ఛేంజర్‌ సినిమాతో ఫుల్‌ బిజీగా ఉండగా.. ఉప్పెన ఫేం బుచ్చిబాబు దర్శకత్వంలో పెద్ది అనే సినిమాను కూడా లైన్ లో పెట్టాడు. త్వరలోనే ఈ సినిమా సెట్స్‌ మీదకు వెళ్లేందుకు సిద్దంగా ఉంది. అయితే ఇప్పుడు మెగా ఫ్యాన్స్‌ కి మరో అదిరిపోయే వార్త సోషల్‌ మీడియాలో చక్కర్లు కొడుతుంది.
అది కూడా డైరెక్టర్‌ సుకుమార్‌ దర్శకత్వంలో ఈ సినిమా చేయబోతున్నట్లు తెలుస్తుంది. అందులో నిజమెంత ఉందో తెలియదు కానీ.. చరణ్‌ చేతి నిండా అయితే సినిమాలు ఉన్నాయి. దీంతో ఇప్పట్లో సుకుమార్‌- చరణ్‌ సినిమా పట్టాలెక్కే పరిస్థితులు కనిపించడం లేదు.
చరణ్‌ చేతిలో ఉన్న సినిమాలు పూర్తి అయిన తరువాతే ఈ సినిమా సెట్స్‌ మీదకు వెళ్లే అవకాశాలున్నాయి.
చరణ్‌ -సుక్కు కాంబినేషన్ మొదటి సారి కాదు. ఇంతకు ముందు వీరిద్దరి కాంబోలో రంగస్థలం సినిమా వచ్చింది. ఆ సినిమా ఎంతటి విజయాన్ని అందుకుందో ప్రత్యేకంగా చెప్పాల్సిన అవసరం లేదు. ప్రస్తుతం సుక్కు కూడా ఖాళీగా లేడు.. ఆయన అల్లు అర్జున్‌ తో పుష్ప 2 సినిమాని తెరకెక్కిస్తున్నాడు.
