Inbox
యాంకర్‌ ఓంకార్‌ తమ్ముడు, ఆట డ్యాన్స్‌ షో ద్వారా ఇండస్ట్రీలోకి ఎంట్రీ ఇచ్చిన అశ్విన్‌ బాబు…అన్న దర్శకత్వంలో వరుస సినిమాలు చేసి హిట్లు అందుకున్నాడు. థ్రిల్లర్‌ సినిమాలతో ప్రేక్షకులను తన వైపునకు తిప్పుకున్నాడు. రాజు గారి గది, దాని కొనసాగింపులు ప్రేక్షకుల్లో అశ్విన్‌ బాబు పై మంచి అభిప్రాయాన్ని ఏర్పరచాయి.
ఆ తరువాత హిడంబ మూవీతో యాక్షన్‌ సినిమా చేసినప్పటికీ అది ఆశించిన స్థాయిలో విజయాన్ని అందుకోలేదు కానీ..అందులో అశ్విన నటనకు మాత్రం మంచి మార్కులే పడ్డాయి. ఈ క్రమంలోనే తాజాగా అశ్విన్‌ బాబు మరో సినిమా చేసేందుకు రెడీ అయ్యాడు. మహేశ్వర్‌ రెడ్డి మాలి నిర్మాణంలో గంగా ఎంటర్‌టైన్‌మెంట్స్‌ ప్రొడక్షన్‌ నంబర్‌ 1 గా ఓ సినిమా రూపుదిద్దుకుంటోంది.
గాంధర్వ ఫేమ్‌ అప్సర్‌ డైరెక్షన్‌ లో తెరకెక్కుతున్న ఈ చిత్రంలో బాలీవుడ్‌ నటుడు అర్బాజ్‌ ఖాన్‌ కూడా నటిస్తున్నారు. ఈ చిత్రానికి శివం భజే అనే పేరును అనౌన్స్ చేశారు. సోమవారం టైటిల్‌ పోస్టర్‌ ని చిత్ర బృందం విడుదల చేసింది. ఈ పోస్టర్‌ లో మహాదేవుని రూపాన్ని చాలా గంభీరంగా చూపించారు.
హీరో అశ్విన్‌ బాబు శివుని భారీ రూపం ముందు , ఎత్తైన పర్వతాల మధ్య నుంచి నుంచుని చూస్తున్నట్లు ఉంది. పోస్టర్‌ విడుదలైన క్రమంలో చిత్ర నిర్మాత మహేశ్వర్‌ రెడ్డి మాట్లాడుతూ.. అశ్విన్‌ బాబు హీరోగా ఓ వైవిధ్యమైన కథతో ప్రేక్షకుల ముందుకు వస్తున్నట్లు తెలిపారు. గంగా ఎంటర్‌టైన్‌ మెంట్‌ లో మొదటి చిత్రంగా శివం భజే చిత్రం రూపుదిద్దుకుంటుంది.
కొత్త కథ, కథనాలతో రూపుదిద్దుకుంటున్న చిత్రం ఇది. కామెడీ, డ్రామా, యాక్షన్‌, థ్రిల్లర్‌ ఇలా ప్రతి అంశాన్ని ఈ చిత్రంలో జోడించినట్లు మహేశ్వర్‌ రెడ్డి వివరించారు. సినిమా మొదటి నుంచి చివరి వరకు కూడా ఉత్కంఠగా సాగుతుందని తెలిపారు. ఇందులో హైపర్‌ ఆది , తమిళ నటుడు సాయి ధీనా , అర్బాజ్‌ ఖాన్‌ కీలక పాత్రలు పోషిస్తున్నట్లు వివరించారు.
ఇప్పటికే ఈ చిత్రానికి సంబంధించి 80 శాతం షూటింగ్‌ పూర్తి చేసుకుని తుది మెరుగులు దిద్దుకోవడానికి సిద్దం అయినట్లు నిర్మాత వివరించారు. అయితే ఇందులో కథానాయిక ఎవరూ అనేది ఇంకా చిత్ర బృందం వెల్లడించలేదు. త్వరలోనే ఆ వివరాలను విడుదల చేస్తామని మూవీ మేకర్స్‌ అన్నారు.
Search for all messages with label Inbox
Remove label Inbox from this conversation
