గతేడాది సంక్రాంతికి వాల్తేరు వీరయ్య సినిమాతో సూపర్‌ హిట్ సొంతం చేసుకున్న మెగాస్టార్ చిరంజీవి…చాలా గ్యాప్ తీసుకుని విశ్వంభర సినిమాతో మరోసారి ప్రేక్షకులు ముందుకు రాబోతున్నాడు. ఈ సినిమాకు వశిష్ఠ డైరెక్షన్ వహిస్తున్నారు. చిరంజీవి నుంచి చాలా గ్యాప్ తరువాత వస్తున్న సినిమా కావడంతో మెగా అభిమానులు కూడా చాలా ఆసక్తిగా సినిమా కోసం ఎదురు చూస్తున్నారు. పేరుకు తగినట్లుగానే సినిమా పై భారీ అంచనాలు ఉన్నాయి.
సినిమా ని సోషియో ఫాంటసీ కాన్సెప్ట్‌ తో ఈ చిత్రాన్ని నిర్మిస్తున్నట్లు సమాచారం. చాలా కాలం తరువాత చిరంజీవి నటిస్తున్న సోషియో ఫాంటసీ సినిమా కావడంతో ప్రేక్షకులు అంచనాలు భారీగా ఉన్నాయి. తాజాగా ఈ సినిమాకు సంబంధించిన మరో క్రేజీ న్యూస్‌ ఒకటి బయటకు వచ్చింది. ఈ చిత్రంలో త్రిష హీరోయిన్‌ గా నటిస్తుంది.
అయితే ఇందులో త్రిష పాత్ర గురించి ఓ ఇంట్రెస్టింగ్‌ విషయం బయటకు వచ్చింది. ఇందులో త్రిష డబుల్ రోల్‌ లో నటించబోతున్నట్లు సమాచారం. ఈ రెండు పాత్రలు కూడా సినిమాలో చాలా ముఖ్యమని చిత్ర బృందం తెలిపింది. చాలా సంవత్సరాల తరువాత చిరంజీవి, త్రిష కలిసి నటిస్తున్న చిత్రమిది.
మెగాస్టార్ తో కలిసి రెండో సారి అవకాశం రావడంతో త్రిష చాలా సంతోషాన్ని వ్యక్తం చేస్తుంది. అసలు సామాన్యంగా చిరంజీవితో ఒకసారి సినిమా అంటేనే చాలా కష్టం… అలాంటిది రెండోసారి త్రిష ఆ ఛాన్స్‌ కొట్టేసింది. అది కూడా డబుల్ రోల్‌.. ఈ సినిమాలో త్రిషతో పాటు సురభి, రమ్య, ఇషా చావ్లా, అశ్రిత కీలక పాత్రలు చేస్తున్నట్లు చిత్ర యూనిట్ వివరించింది.
ఈ సినిమాను యూవీ క్రియేషన్స్‌ వారు భారీ బడ్జెట్‌ తో తెరకెక్కిస్తున్నట్లు సమాచారం. ఈ సినిమాని 2025 సంక్రాంతికి విడుదల చేయబోతున్నట్లు చిత్ర బృందం అధికారికంగా ప్రకటించింది.
