ప్రస్తుతం దర్శక ధీరుడు రాజమౌళి, సూపర్‌ స్టార్‌ మహేష్‌ బాబు కలిసి ఓ ప్రాజెక్టు చేస్తున్న విషయం తెలిసిందే. సినిమా చేస్తున్నామని ఎప్పుడో ప్రకటించారు. కానీ ఇప్పటి వరకు ఇంకా సినిమాకు సంబంధించిన పనులు ఏవి కూడా మొదలు పెట్టలేదు. ఈ క్రమంలోనే జపాన్ లో ఆర్‌ఆర్‌ఆర్‌ ప్రత్యేక స్క్రీనింగ్‌ కార్యక్రమంలో పాల్గొన్న రాజమౌళి తన కొత్త సినిమా గురించి బోలెడు విశేషాలను అక్కడి వారితో పంచుకున్నారు.
ఇప్పటికే మహేష్‌ బాబు సినిమాకి సంబంధించిన స్క్రిప్ట్‌ వర్క్‌ పూర్తయ్యిందని త్వరలోనే సెట్స్‌ మీదకు సినిమా వెళ్తుందని వివరించారు. ప్రస్తుతం సినిమాకు సంబంధించిన ప్రీ ప్రొడక్షన్‌ పనులు జరుగుతున్నట్లు వివరించారు. ప్రస్తుతానికి ఈ చిత్రానికి సంబంధించినంత వరకు హీరోగా మహేష్‌ బాబుని మాత్రమే సెలక్ట్ చేసుకున్నాము. మిగిలిన నటీనటులను సెలెక్ట్‌ చేయాలని రాజమౌళి తెలిపారు.
ఇదే వేదికగా రాజమౌళి మహేష్‌ బాబుని తెగ పొగిడేశారు. మహేష్‌ మంచి అందగాడని .. అతన్ని కచ్చితంగా జపాన్ వాసులకు చూపిస్తానని వివరించారు.మీలో సగం మందికి అయినా మా అందగాడు తెలిసే ఉంటాడని రాజమౌళి అన్నారు. మహేష్‌ బాబు తో చేస్తున్న సినిమాకు నా తండ్రి విజేయేంద్ర ప్రసాద్‌ కథ అందజేస్తున్నట్లు తెలిపారు.
ఈ సినిమాని అమెజాన్ ఫారెస్ట్ బ్యాక్‌ డ్రాప్ లో జరగబోతుందని, వరల్డ్‌ అడ్వేంచర్‌ ట్రావెలర్‌ గా మహేష్‌ బాబు ఈ చిత్రంలో కనిపిస్తాడని ఇప్పటికే కథ అందించిన విజేయేంద్ర ప్రసాద్‌ తెలిపారు. ఈ చిత్రానికి ఎంఎం కీరవాణీ సంగీతం అందిస్తున్నారు.
