టాలీవుడ్ పొడుగు కాళ్ల సుందరి పూజా హెగ్డే అభిమానులకు పరిచయం అక్కర్లేని పేరు. గత కొంతకాలంగా అపజయాలు ఎదురవుతున్నప్పటికీ వరుస సినిమాలు చేస్తూ ఫుల్‌ బిజీగా ఉంది. టాలీవుడ్ లో ఆఫర్లు లేకపోవడంతో బాలీవుడ్ కి చెక్కిసింది ఈ ముద్దుగుమ్మ. ఈ అమ్మడు సోషల్‌ మీడియాలో ఎప్పుడూ బిజీగా ఉంటుంది.
తన విషయాలను ఎప్పటికప్పుడు అభిమానులతో పంచుకుంటూంటుంది. కొత్త కొత్త ఫొటోలను షేర్‌ చేస్తూ కుర్రాళ్ల మనసులను దోచేస్తుంది. టాలీవుడ్ లో అగ్ర హీరోలందరితో ఈ భామ నటించింది. మహేష్‌, చరణ్‌, అల్లు అర్జున్‌, తారక్‌ సరసన నటించి హిట్లు అందుకుంది.. ఆ తరువాత ఆమెకు కాలం కలిసి రాలేదు.
తాజాగా ఈ ముద్దుగుమ్మ బాలీవుడ్ లో ఓ బంపరాఫర్‌ కొట్టేసింది. స్టార్‌ సినిమాలో నటించే ఛాన్స్ కొట్టేసింది. దీనితో పూజా హెగ్డే బాలీవుడ్ లో పాగా వేసుకుందుకు గట్టి ప్రయత్నాలు మొదలుపెట్టింది. ఈ ముద్దుగుమ్మ పోయిన ఏడాది సల్మాన్‌ ఖాన్ నటించిన కిసీకి భాయ్‌ కిసీకి జాన్‌ అనే చిత్రంలో మెరిసింది. ప్రస్తుతం బాలీవుడ్ హీరో షాహిద్‌ కపూర్‌ పక్కన దేవా అనే చిత్రంలో హీరోయిన్‌ గా నటిస్తోంది. ఈ క్రమంలోనే పూజా చేతికి మరో సినిమా కూడా వచ్చిందని సమాచారం.
ప్రముఖ సీనియర్‌ నటుడు సునీల్‌ శెట్టి కుమారుడు అహన్‌ శెట్టి హీరోగా సంకీ అనే సినిమా ని నిర్మిస్తున్నారు. ఈ చిత్రంలో నటించేందుకు పూజా ఒప్పుకున్నట్లు తెలిపింది. ఈ సినిమా షూటింగ్‌ ను త్వరలోనే పూర్తి చేసి వచ్చే ఏడాది ప్రేమికుల దినోత్సవానికి అభిమానులకు అందించేందుకు చిత్ర బృందం తెలిపింది.
