ప్రముఖ దర్శకుడు సూర్య కిరణ్ గుండెపోటుతో కన్నుమూత!
ప్రముఖ డైరెక్టర్‌ సూర్య కిరణ్ సోమవారం ఉదయం చెన్నైలో గుండెపోటుతో కన్నుమూశారు. ఆయన గత కొంతకాలంగా అనారోగ్య సమస్యలతో బాధపడుతున్నారు. ఈ క్రమంలోనే ఆయన సోమవారం ఉదయం గుండెపోటుతో మరణించినట్లు కుటుంబ సభ్యులు తెలిపారు. ఇయన తెలుగులో సుమంత్‌ తో కలిసి సత్యం అనే సినిమాని తీశారు.
ఆ సినిమా వీరిద్దరికీ మంచి హిట్‌ ఇచ్చింది. ఆ తరువాత సూర్య కిరణ్ రాజుభాయ్, ధన 51, బ్రహ్మస్త్రం అనే సినిమాలను తీశారు. కొంత కాలం క్రితం సూర్య కిరణ్ తెలుగు బిగ్‌ బాస్‌ సీజన్‌ 4 లో కూడా పాల్గొన్నారు. సూర్య కిరణ్ మాస్టర్‌ సురేష్‌ అనే పేరుతో 200 చిత్రాల్లో బాలనటుడిగా నటించారు.
నటి కల్యాణిని ఆయన ప్రేమ వివాహం చేసుకున్నారు. అయితే వ్యక్తిగత కారణాల వల్ల వారిద్దరూ విడిపోయారు. నటి సుజిత సూర్య కిరణ్ కు సోదరి అవుతారు.
