టాలీవుడ్ చందమామ కాజల్ అగర్వాల్‌ కి పబ్లిక్‌ లో చేదు అనుభవం ఎదురైంది. రెండు రోజుల క్రితం హైదరాబాద్ లోని ఓ షాపింగ్‌ మాల్‌ ఓపెనింగ్‌ కు కాజల్ ముఖ్య అతిథిగా వెళ్లింది. ఆమె షోరూం ప్రారంభించిన తరువాత ఆమె చుట్టూ ఒక్కసారిగా అభిమానులు ఆమెను చుట్టుముట్టారు. ఆమెతో ఫొటోలు దిగడానికి ఎగబడ్డారు.
ఆ సమయంలో ఓ అభిమాని అత్యుత్సాహం ప్రదర్శించడంతో కాజల్ కాస్త ఇబ్బంది పడ్డారు. గుంపులో నుంచి ఓ అభిమాని ఆమెతో సెల్ఫీ దిగడానికి వచ్చి కాజల్ నడుం పట్టుకున్నాడు. దీంతో ఒక్కసారిగా కాజల్ షాక్‌ అయ్యింది. వెంటనే పక్కకి జరిగి ఏంటిది అని అతడిని ప్రశ్నించింది. దీంతో బౌన్సర్లు అతడిని పక్కకి లాగేశారు.
అప్పటి వరకు నవ్వుతూ సెల్ఫీలు ఇచ్చిన కాజల్ ఆ వ్యక్తి చేసిన అత్యుత్సాహపు పని వల్ల చాలా ఇబ్బందిగా ఫీల్‌ అయినట్లు తెలిసింది. ప్రస్తుతం దీనికి సంబంధించిన వీడియో ఒకటి సోషల్‌ మీడియాలో వైరల్‌ అవుతుంది. ఇంతకు ముందు కూడా కాజల్ కి ఇలాంటి అనుభవమే ఎదురైంది.
ఆ తరువాత మీడియాతో మాట్లాడిన కాజల్.. అభిమానుల గురించి చాలా గొప్పగా చెప్పింది. ఫ్యాన్స్‌ అంటే తన కుటుంబమే అని పేర్కొంది. కాజల్ పెళ్లి అయిన తరువాత కూడా సినిమాలు చేసినప్పటికీ తల్లి అయిన తరువాత కొంచెం గ్యాప్‌ ఇచ్చింది. చివరిగా భగవంత్‌ కేసరితో రీ ఎంట్రీ ఇచ్చి అదరగొట్టింది.
ప్రస్తుతం కాజల్ ఇండియన్‌ 2, సత్యభామ సినిమాల్లో నటిస్తుంది. వేరే భాషల్లో కూడా చేతి నిండా సినిమాలతో బిజీ ఉంది.
