బిగ్‌బాస్‌ ఫేమ్‌ దివి గురించి ప్రత్యేకంగా చెప్పాల్సిన అవసరం లేదు. వరుస సినిమాలతో క్షణం తీరిక లేకుండా గడుపుతుంది. బిగ్‌ బాస్‌ లో తన అందచందాలతో ప్రేక్షకులను అలరించింది ఈ ముద్దుగుమ్మ. బిగ్‌ బాస్‌ నుంచి బయటకు వచ్చిన తరువాత మెగా స్టార్ గాడ్‌ ఫాదర్‌ సినిమాలో మెరిసింది. జగపతిబాబుతో కలిసి రుద్రంగి అనే సినిమా చేసింది.
సినిమాలు చేస్తునే కొన్ని వెబ్‌ సిరీస్‌ లు కూడా చేస్తుంది. ప్రస్తుతం మెయిన్‌ హీరోయిన్‌ గా లంబసింగి సినిమాలో నటిస్తుంది. ఈ సినిమా అతి త్వరలోనే ప్రేక్షకుల ముందుకు రాబోతుంది. ఈ సినిమాని సోగ్గాడే చిన్ని నాయన, రారండోయ్‌ వేడుక చూద్దాం, బంగార్రాజు సినిమాలను డైరెక్ట్‌ చేసిన కల్యాణ్‌ కృష్ణా కురసాల ఈ సినిమాతో నిర్మాతగా ప్రేక్షకుల ముందుకు రాబోతున్నాడు.
ఈ చిత్రానికి నవీన్‌ గాంధీ డైరక్టర్‌ గా వ్యవహరిస్తున్నాడు. భరత్‌ హీరోగా పరిచయం అవుతున్నాడు. సినిమాకు సంబంధించిన చిన్న చిన్న పనులను త్వరలోనే పూర్తి చేసుకుని ప్రేక్షకుల ముందుకు రాబోతున్నట్లు చిత్ర మేకర్స్‌ తెలిపారు. ఇదిలా ఉంటే ఈ చిత్రం కోసం ఏకంగా నేషనల్‌ క్రష్‌ రష్మికను రంగంలోకి దింపింది దివి పాప.
ఎందుకంటే పుష్ప 2 లో దివి కూడా ఓ కీలక పాత్ర చేస్తుంది. ఆ సమయంలోనే రష్మికకు లంబసింగి గురించి వివరించింది. దాంతో రష్మిక రంగంలోకి దిగింది. మార్చి 15న థియేటర్లలోకి లంబసింగి విడుదల అవుతుంది. చిత్ర బృందం అంతా సినిమా కోసం ఎంతో కష్టపడ్డారు. థియేటర్లకు వెళ్లి అందరూ కచ్చితంగా సినిమా చూడాలని రష్మిక అంది.
అంతేకాకుండా చిత్ర బృందానికి రష్మిక శుభాకాంక్షలు కూడా తెలిపింది. రష్మిక దివి చిత్రానికి సపోర్ట్‌ చేస్తున్న వీడియో ఇప్పుడు నెట్టింట్లో వైరల్‌ గా మారింది.
