ప్రేమలు సినిమా మలయాళంలో సూపర్‌ హిట్ కావడంతో జక్కన్న కుమారుడు కార్తీకేయ దానిని డబ్బింగ్‌ చేసి తెలుగు ప్రేక్షకుల ముందుకు తీసుకుని వచ్చాడు. హైదరాబాద్ నేపథ్యంలో ఈ సినిమా రూపుదిద్దుకుంది.
కొత్తతరం ప్రేమకథ కావడంతో యువతను బాగా ఆకర్షించింది. అంతేకాకుండా మలయాళంలో భారీ హిట్ ను అందుకుంది. ప్రేమలు పేరుతోనే దీనిని తెలుగులోకి కూడా అనువదించి మార్చి 8న థియేటర్లలో విడుదలైంది. ఈ చిత్రాన్ని తెలుగు ప్రేక్షకులు కూడా భారీగా ఆదరిస్తున్నారు.
ఈ చిత్రం చూసిన ప్రేక్షకులే కాదు…సెలబ్రిటీలు కూడా సినిమాకు ఫిదా అవుతున్నారు. తాజాగా ఈ సినిమా చూసిన మహేశ్‌ బాబు కూడా సినిమా గురించి తన సోషల్ మీడియా ఖాతాలో వివరించారు.
ప్రేమలు సినిమా చూసి చాలా బాగా ఎంజాయ్ చేశాను… అసలు నేను చివరిసారిగా ఇంతలా ఎప్పుడూ నవ్వుకున్నానో కూడా నాకు గుర్తులేదు. తెలుగు ప్రేక్షకులకు ఇంత మంచి సినిమాను అందించినందుకు కార్తీకేయకు నా అభినందనలు.
నాతో పాటు నా కుటుంబం మొత్తానికి కూడా ఈ సినిమా బాగా నచ్చింది. యంగ్‌స్టర్స్‌ టాప్‌ క్లాస్‌ యాక్టింగ చేశారు. సినిమా టీమ్‌ మొత్తానికి కూడా నా అభినందనలు.. అంటూ మహేశ్‌ బాబు పేర్కొన్నారు.
గిరీశ్‌ ఏడీ దర్శకత్వం వహించిన ప్రేమలు సినిమాలో నెస్లేన్‌ గపూర్‌, మిమితా బైజూ కీలక పాత్రలలో నటించారు. మలయాళంలో సూపర్‌ హిట్ కావడంతో దీనిని తెలుగులోకి తీసుకుని వచ్చేందుకు కార్తీకేయ పెటెంట్ రైట్స్‌ తీసుకున్నాడు. ఈ సినిమాకు రాజమౌళి, అనిల్‌ రావిపూడి, మహేశ్‌ బాబు వంటి సెలబ్రిటీలు రివ్యూ ఇవ్వడంతో సినిమా గురించి ప్రేక్షకుల్లో ఆసక్తి కలుగుతుంది.
