ప్రస్తుతం మెగా పవర్‌ స్టార్‌ రామ్‌ చరణ్‌ , శంకర్‌ దర్శకత్వంలో తెరకెక్కుతున్న చిత్రం గేమ్‌ ఛేంజర్‌. ఈ సినిమాకి దిల్‌ రాజు నిర్మాతగా వ్యవహరిస్తున్నారు. ప్రస్తుతం ఈ సినిమా షూటింగ్‌ తో చరణ్‌ క్షణం తీరికలేకుండా బిజీగా ఉన్నాడు. ఈ సినిమా తరువాత చరణ్‌ ఉప్పెన ఫేం దర్శకుడు బుచ్చిబాబు సాన దర్శకత్వంలో ఓ సినిమా తీస్తున్న విషయం తెలిసిందే.
ఈ సినిమాని శ్రీకాకుళం బ్యాక్‌డ్రాప్‌ లో తీసేందుకు చిత్ర బృందం రెడీ అయ్యింది. ఇప్పటికే ఈ సినిమా లో నటించాలని అనుకుంటే ఆసక్తి ఉన్నవారు రావాలని ఆడిషన్స్ కూడా ఇచ్చారు. ఈ సినిమాలో చరణ్‌ సరసన బాలీవుడ్‌ భామ, ఆలనాటి నటి శ్రీదేవి కుమార్తె జాన్వీ కపూర్‌ నటిస్తున్నట్లు ఇటీవలే బోనీ కపూర్‌ స్వయంగా ప్రకటించారు.
ప్రస్తుతం ఈ చిత్రానికి సంబంధించి ప్రీ ప్రొడక్షన్‌ పనులు జరుగుతున్నాయి. చరణ్‌ కూడా ఈ సినిమాలో త్వరలోనే జాయిన్‌ అవుతున్నట్లు సమాచారం. తాజాగా ఈ చిత్రానికి సంబంధించిన ఓ వార్త సోషల్‌ మీడియాలో చక్కర్లు కొడుతుంది. ఈ చిత్రంలో మరో బాలీవుడ్‌ స్టార్‌ హీరోయిన్‌ కృతి సనన్ కూడా నటిస్తున్నట్లు ఓ టాక్‌ వినిపిస్తుంది.
ఈ సినిమాలో వచ్చే ఫ్లాష్‌ బ్యాక్‌ వస్తుందని.. అందులో కృతి సనన్ వస్తుందని టాక్‌ . ఇది ఎంతవరకు నిజము అనేది మాత్రం తెలియాల్సి ఉంది. ప్రస్తుతం చరణ్‌ గేమ్‌ చేంజర్‌ షూటింగ్‌ లో వైజాగ్‌ లో ఉన్నాడు.
