ఈసారి రాయలసీమ బాట పట్టిన ముద్దుగుమ్మ..ఎవరితోనో తెలుసా!
ఛలో అంటూ సినిమాల్లోకి వచ్చి ఎక్కడ ఆగకుండా ప్రయాణం చేస్తున్న హీరోయిన్‌ రష్మిక. ఈ ముద్దుగుమ్మ పుష్ప సినిమాతో పాన్ ఇండియా రేంజ్ లో గుర్తింపు తెచ్చుకుంది. కేవలం తెలుగుతోనే ఆగకుండా బాలీవుడ్ లో కూడా తనదైన ముద్ర వేసింది. యానిమల్‌ సినిమాతో సూపర్ హిట్‌ ను తన సొంతం చేసుకుంది.
అయితే.. ‘పుష్ప’ సినిమాలో ప్రత్యేకంగా రష్మిక యాసకు, కట్టు, బొట్టుకు ప్రేక్షకులు అలా ఫిదా అయిపోయారు అంతే. ఈ క్రమంలోనే ఇప్పుడు మరోసారి సీమ సింగారంతో ప్రేక్షకుల ముందుకు వచ్చేందుకు రెడీ అవుతుంది ఈ భామ. విజయ్ దేవరకొండ హీరోగా త్వరలో ఓ పీరియాడిక్ సినిమా తెరకెక్కనున్న సంగతి తెలిసిందే. ఇప్పటికే ఈ సినిమా కోసం రాయలసీమలో ఆడిషన్స్ కూడా మొదలు పెట్టింది చిత్ర బృందం. ఆ ప్రాంత యాస వచ్చిన వాళ్లకు అద్భుతమైన అవకాశాన్ని కల్పించింది.
అయితే.. ఇప్పుడు ఇందులో విజయ్‌కు జోడీగా రష్మిక పేరు గట్టిగా వినిపిస్తుంది. ఇప్పటికే చర్చలు జరపగా మాక్సిమమ్ ఓకే అయినట్లు తెలుస్తుంది. ప్రస్తుతం ఈ వార్త నెట్టింట వైరల్ కావడంతో.. రష్మిక మరోసారి సీమ పాత్రలో కనిపించనుందని తెలుస్తుంది.
